راولپنڈی /کوئٹہ(این این آئی)بلوچستان کے ضلع کیچ میں سیکورٹی فورسز کے قافلے پرامن کے دشمنوں کی فائرنگ سے ایک اہلکا ر شہید اورتین زخمی ہوگئے۔ پاک فوج کے شعبہ تعلقات عامہ آئی (ایس پی آر)کے مطابق ہفتہ کو ضلع کیچ کے علاقے تربت سے 35کلو میٹر جنوب مشرق میں واقعہ پدرک
کے علاقے میں امن کے دشمنوں نے گشت پر مامور سیکورٹی فورسز کے قافلے پر فائرنگ کردی جس کے نتیجے میں لانس نائیک جاوید کریم شہید جبکہ تین اہلکار زخمی ہوگئے۔بیان میں کہا گیا کہ واقعے کے بعد سیکیورٹی فورسز نے علاقے کا محاصرہ کرکے سرچ آپریشن شروع کردیا۔
