اسلام آباد(آن لائن) ترجمان دفتر خارجہ عائشہ فاروقی نے کہا ہے کہ اقوام متحدہ میں پاکستان کے مستقل مندوب کی رہائش گاہ کی مرمت پر دو لاکھ 25ہزار ڈالر خرچ کرنے کی خبریں بے بنیاد ہیں وزارت خارجہ نے ایسی کسی رقم کی منظوری نہیں دی۔ نیویارک میں 1920 سے تعمیر شدہ عمارت 1965 سے حکومت پاکستان کی ملکیت ہے جس کی مرمت مقامی قوانین کے تحت لازم ہے۔ بدھ کے روز جاری وضاحتی بیان میں
ترجمان دفتر خارجہ عائشہ فاروقی نے کہا کہ اقوام متحدہ میں پاکستان کے مستقل مندوب کی نیویارک رہائش گاہ کی تزئین و آرائش کے متعلق رپورٹس دیکھی ہیں۔ رہائش گاہ حکومت پاکستان کی ذاتی ملکیت کثیرالمنزلہ عمارت ہے۔ 1920 میں تعمیر کی گئی عمارت پاکستان نے 1965 میں خریدی ۔ قومی ورثہ ہونے کے باعث رہائش گاہ کی مرمت مقامی قوانین کا تقاضہ ہے۔ انہوں نے کہا کہ حکومت پاکستان اس عمارت کی باقاعدگی سے مرمت اور دیکھ بھال کرتی رہتی ہے اگر عمارت کی مرمت نہ کی جائے تو بہت بڑا نقصان ہو نے کا اندیشہ ہوتاہے۔ اقوام متحدہ میں مستقل مندوب نے 13مئی 2020کو رہائش گاہ کی مرمت کے لئے درخواست دی جسے 24جون 2020کو منظور کرکے پاکستان مشن کو آگاہ کر دیا گیا۔ رہائش گاہ پر 2لاکھ 25ہزار ڈالر خرچ کرنے کے متعلق خبریں بے بنیاد ہیں وزارت خارجہ نے ایسی کسی رقم کی منظوری نہیں دی ہے۔ ترجمان دفتر خارجہ عائشہ فاروقی نے کہا ہے کہ اقوام متحدہ میں پاکستان کے مستقل مندوب کی رہائش گاہ کی مرمت پر دو لاکھ 25ہزار ڈالر خرچ کرنے کی خبریں بے بنیاد ہیں وزارت خارجہ نے ایسی کسی رقم کی منظوری نہیں دی۔ نیویارک میں 1920 سے تعمیر شدہ عمارت 1965 سے حکومت پاکستان کی ملکیت ہے جس کی مرمت مقامی قوانین کے تحت لازم ہے۔ بدھ کے روز جاری وضاحتی بیان میں ترجمان دفتر خارجہ عائشہ فاروقی نے کہا کہ اقوام متحدہ میں پاکستان کے مستقل مندوب کی نیویارک رہائش گاہ کی تزئین و آرائش کے متعلق رپورٹس دیکھی ہیں۔
