اسلام آباد (این این آئی)پاکستان پیپلزپارٹی کے چیئرمین بلاول بھٹو زرداری نے بلوچستان نیشنل پارٹی کے سربراہ سردار اختر مینگل کو فون کر کے بجٹ کے معاملے میں مشترکہ حکمت عملی پر اتفاق کیا ہے ۔ہفتہ کو ٹیلیفونک رابطے کے حوالے سے جاری اعلامیہ میں کہاگیاکہ چیئرمین بلاول بھٹو زرداری اور سردار اختر مینگل کے درمیان 18ویں آئینی ترمیم پر حملوں کا معاملہ بھی زیربحث آیا ۔چیئرمین بلاول بھٹو زرداری اور سردار اختر مینگل نے این ایف سی ایوارڈ کے حوالے سے حکومتی اقدامات پر بھی گفتگو کی۔چیئرمین بلاول بھٹو زرداری اور سردار اختر مینگل نے

ملک میں کرونا وائرس کے پھیلاؤ پر تشویش کا اظہار کیا ۔چیئرمین بلاول بھٹو زرداری اور سردار اختر مینگل کے درمیان اگلے ہفتے اے پی سی بلانے کے حوالے سے بھی مشاورت کی گئی ۔ بلاول بھٹو زر داری نے کہاکہ پی ٹی آئی ایم ایف بجٹ عوام دشمن ہے، ہم اسے کسی صورت نہیں مان سکتے، چیئرمین بلاول بھٹو زرداری نے کہاکہ حکومت کی نااہلی کی وجہ سے آج کرونا وائرس ہر جگہ پھیل چکا ہے، 18ویں آئینی ترمیم پر تنقید کرکے عمران خان دستورِ پاکستان پر حملے کررہے ہیں۔ انہوںنے کہاکہ سلیکٹڈ وزیراعظم کو اپنی نااہلی کا عوام کو حساب دینا ہوگا۔

موضوعات:بلاول بھٹو اور اختر مینگل میں معاملات طے