لاہور(مانیٹرنگ ڈیسک)سول ایویشن اتھارٹی نے گریڈ 7سے اوپر کے ملازمین کی تنخواہوں سے پروفیشنل ٹیکس کی کٹوتی کا نوٹیفکیشن جاری کر دیا ہے۔ تفصیلات کے مطابق گریڈ 1تا6کے ملازمین مستثنی ہونگے ۔ اس طرح گریڈ 7تا12پر ایک ہزار روپے ٹیکس مقرر کیا گیا ہے ۔ گریڈ 13تا 16پر 1200روپے ،

گریڈ 17پر 15سو روپے ، گریڈ 18پر 18سو روپے ، گریڈ 19پر دو ہزار روپے ، گریڈ 20 سے اوپر 3ہزار روپے مقرر کیا گیا ہے ۔ ملازمین کے مطابق اس سال تنخواہوں میں تاحال اضافہ نہیں کیا گیا ۔ اکثر محکموں میں ملازمین کو پروفیشنل الائونس نہیں ملتا لیکن پروفینشل ٹیکس انکی تنخواہوں پر لاگو کیا جاتا ہے ۔