اسلام آباد (آن لائن)معروف پوٹھوہاری اور اردو شاعر، پوٹھوہاری ٹی وی اینکر اور کمپیئر سید آل عمران نقوی اسلام آباد میں کورونا وائرس کے باعث انتقال کرگئے۔ میڈیا رپورٹ کے مطابق وہ چند ہفتے قبل کورونا وائرس کا شکار ہوئے تھے جب انہیں اسلام آباد کے ہسپتال میں
کڈنی ٹرانسپلانٹ کے لیے منتقل کیا گیا تھا۔ان کے سوگواران میں ایک بیٹا، بیٹی اور بیوہ شامل ہیں۔ادبی، ثقافتی اور تعلیمی حلقوں کے ساتھ ساتھ اوورسیز پاکستانیوں نے معروف ادبی اور ثقافتی شخصیت کے انتقال پر دکھ کا اظہار کیا جنہوں نے پوٹھوہاری زبان کی دوبارہ بحال میں اہم کردار ادا کیا تھا۔
