اسلام آباد (این این آئی)ترجمان چیئرمین پیپلز پارٹی سینیٹر مصطفی نواز کھوکھر  نے کہاہے کہ پی ٹی آئی میں ادھر ادھر سے لائے گئے لوگ اپنے گھروں کو واپس جانے کیلئے پر تول رہے ہیں،عمران خان ایسے بدترین ناکام ہوئے ہیں کہ ان کی ناکامی کا بوجھ کوئی اٹھانے کو تیار نہیں ۔بدھ کو اپنے بیان میں انہوںنے کہاکہ وفاقی  حکومت کہ صفوں میں بغاوت شروع ہو چکی ہے، پی ٹی آئی میں ادھر ادھر سے لائے گئے لوگ اپنے گھروں کو واپس جانے کیلئے پر تول رہے ہیں

، بجٹ کی منظوری سے قبل حکومتی صفوں میں بغاوت حکومت گرنے کی نشاندہی ہے۔ مصطفی نواز کھوکھر نے کہاکہ عمران خان ایسے بدترین ناکام ہوئے ہیں کہ ان کی ناکامی کا بوجھ کوئی اٹھانے کو تیار نہیں نہ وہ عمران خان کی ناکامی کا بوجھ اٹھانے کو تیار ہیں جو انہیں لائے۔ انہوںنے کہاکہ نہ وہ ناکامی کا بوجھ اٹھانے کو تیار ہیں جن کو عمران خان لائے ۔ انہوںنے کہاکہ حکومتی ارکان اعتراف کر رہے ہیں کہ وہ سرکاری افسروں اور عوام کے ہاتھوں ذلیل ہو رہے ہیں ۔