اسلام آباد (این این آئی)پاکستان علماء کونسل کے چیئرمین علامہ طاہر اشرفی نے کہا ہے کہ سعودی حکومت کی طرف سے حج کے فریضہ کو منسوخ نہ کرنے کے فیصلے کا خیر مقدم کرتے ہیں۔ ایک بیان میں علامہ طاہر اشرفی نے کہاکہ ملک بھر کے علماء ومشائخ و مفتیان عظام سے مشاورت کے بعد جاری فتوے کے مطابق فریضہ حج ادا کرنے
کا ارادہ کرنے والے شرعی طور پر معذور ہیں لہذا ان کے اجر و ثواب میں کوئی کمی نہیں آئے گی۔چیئرمین پاکستان علماء کونسل نے کہاکہ نفلی حج کا ارادہ رکھنے و الے اپنے اخراجات مستحقین میں تقسیم کر دیں۔انہوںنے کہاکہ شریعت اسلامیہ استطاعت رکھنے والوں کیلئے حج کا حکم دیتی ہے ،صحت ، مال اور امن استطاعت میں داخل ہے۔
