اسلام آباد(آن لائن )ماسک نہ پہننے والے افراد کے خلاف سخت ایکشن کا فیصلہ،وزیراعظم کی ہدایت پر عوامی نمائندے حلقوں میں متحرک ہوگئے ہیں ۔وزیراعظم کے معاون خصوصی عثمان ڈار نے مہم شروع کر دی، انتظامیہ کو سخت کاروائی، جرمانے اور سزاؤں کا اختیار دیدیا گیا ہے ۔ معاون خصوصپی عثمان ڈار کا کہناہے کہ ماسک نہ پہننے والوں سے سختی سے نمٹا جائیگا،ضلعی انتظامیہ
حکومتی ایس او پیز پر عملدر آد کروائے گی ،کوئی شخص ماسک کے بغیر نکلا تو کاروائی ہو گی۔کاروائی ہونے پر کسی قسم کی سفارش نہیں مانیں گے۔عثمان ڈار نے کہاکہ سیالکوٹ کے لاکھوں لوگوں کی زندگیاں خطرے میں ہیں، سیالکوٹ کے ہسپتال پہلے ہی مریضوں سے بھر چکے۔ہسپتالوں میں آکسیجن بیڈز کی تعداد بڑھا رہے ہیں ۔عوام تعاون کرے مشکل فیصلے آپ کے مفاد میں ہیں۔
