اسلام آباد(مانیٹرنگ ڈیسک)کرنل کی بیوی کی ویڈیو سوشل میڈیا پر وائرل ہو نے کے بعد’’کرنل کی بیوی‘‘ سوشل میڈیا پر ٹاپ ٹرینڈ بن گیا، اورٹویٹر پر ” میم “ کا نیا سلسلہ شروع ہوگیا ۔موقعے سے فائدہ اٹھاتے ہوئے سمیر عباسی نے ” میرے پاس تم ہو“ ڈرامے کے سین کا سکرین شاٹ لیاہے جس میں” شہوار احمد “ کی اہلیہ اسے جیل بھجوا دیتی ہے اور اس کا عائزہ خان سے نکاح ہوتے ہوتے رہ جاتا ہے اور جب عائزہ خان اسے ملنے جاتی ہے تو وہ اسے پہچاننے سے انکار کر دیتا ہے ۔

اس لاکھوں جذباتوں کی عکاسی کرنے والی تصویر کو استعمال کرتے ہوئے سوشل میڈیا صارف نے لکھا کہ ” اس حادثے کے بعد کرنل صاب بھی اپنی اہلیہ کے ساتھ یہی برتاؤ کر رہے ہیں ، ” یہ کون ہے میں اس کو نہیں جانتا ، لے جاؤ اسے ۔“نور فاطمہ نامی خاتون صارف نے تو حد ہی کر دی اور میم شیئر کی جس پر درج ہے کہ ” پہلے کرنل کے چاول مشہور تھے اب کرنل کی بیوی مشہور ہو گئی ہے ۔“ہانیہ عامر نے لکھا کہ ” گھر پر رہیں اور محفوظ رہیں کیونکہ باہر کرنل کی بیوی پھر رہی ہے۔“