کوئٹہ (این این آئی)حکومت بلوچستان نے صوبے میں سمارٹ لاک ڈاون کو پندرہ روز کیلئے بڑھادیا، سمارٹ لاک ڈاون کی موجودہ صورتحال دو جون تک برقرار رہے گی، نماز عید کے اجتماعات کو 20نکاتی ایس او پیز سے مشروط کیا گیا ہے، بلوچستان میں موجودہ لاک ڈاون کی معیاد منگل کی دوپہر بارہ بجے ختم ہوگئی تھی صوبائی حکومت نے رمضان المبارک کے بعد شاپنگ مالز، مارکیٹس، دکانوں کو صبح آٹھ بجے سے شام چھ بجے تک کھولنے کی اجازت دے دی۔

منگل کو حکومت بلوچستان کے محکمہ داخلہ نے سمارٹ لاک ڈاون کی موجودہ صورتحال کو برقرار رکھتے ہوئے اس میں دو جون تک پندرہ دن کی توسیع کردی ہے صوبے بھر میں تمام شاپنگ مالز مارکیٹس دکانوں گودام آٹو ریپئر شاپس اور ہیر کٹنگ سیلونز کو صبح 3 بجے سے شام 5 بجے تک کھولنے کی اجازت ہو گی تاہم رمضان المبارک کے بعد شاپنگ مالز، مارکیٹس، دکانوں صبح آٹھ بجے سے شام چھ بجے تک کھولی جاسکیں گی ۔محکمہ داخلہ حکومت بلوچستان کے اعلامیہ کے مطابق تندور ڈیری پروڈکٹس شاپس میڈیکل سٹورز بلڈ بینک اور ٹیلر شاپس کو 24 گھنٹے کھلا رکھنے کی اجازت ہو گی ریسٹورنٹس اور ہوٹلز کو بھی صرف ہوم ڈیلیوری اور ٹیک آوے سروس کے لیے 24 گھنٹے کھلا رکھنے کی اجازت ہو گی اعلامیہ میں کہا گیا ہے کہ دکانوں اور مالز میں ورکرز اور گاہکوں کے لیے ہاتھ دھونے سینیٹائیزر کی فراہمی اور ماسک اور گلوز کا استعمال لازم ہے کسی بھی گاہک کو بغیر ماسک دکان یا شاپنگ مال میں داخلے کی اجازت نہیں ہوگی گاہک اور ورکرز کے درمیان ایک میٹر کا فا صلہ ضروری ہو گا کسی بھی دکان میں ایک وقت میں 4 سے زائد افراد نہیں ہونگے۔اعلامیے کے مطابق صوبے میں پبلک ٹرانسپورٹ بھی بند رہے گی جبکہ 10یا اس سے زائد افراد کے اجتماع پر بھی مکمل پابند ی ہوگئی ،نوٹیفکیشن کے مطابق صوبے کے تعلیمی ادارے بھی 15جولائی تک تک بند رہیں گے جبکہ شاپنگ مالز، سنیماگھر، شادہ ہال، ہوٹل شوروم ، بیوٹی پارلر، بھی بند رہیں گے جبکہ درگاہوں،درباروں پر آمد و رفت پر بھی پابندی رہے گی،

نوٹیفکیشن کے مطابق پی ٹی سی ایل، واسا، میٹروپولیٹن،پی پی ایل،او جی ڈیس سی ایل،میڈیا نمائندگان،بینک عملہ، فلاحی تنظیموں کے رضا کاروں کو لاک ڈاؤن سے استثنی حاصل ہوگی جبکہ تعمیراتی سامان فراہم کرنی والی دکانیں وگودام، اشیاء خوردونوش کی دکانیں، زراعت سے منسلک کاروبار،پیٹرول پمپ،کا ل سینٹر، غیر سرکاری و فلاحی تنظیموں کے دفاترکھولنے کی بھی اجازت ہوگی جبکہ جن دکانوں، کاروباروں، دفاتر کو کھولنے کی اجازت دی گئی ہے انہیں بھی کورونا وائر س سے بچاؤ کی حفاظتی تدابیر اپنانے کی ہدایت کی گئی ہے۔