اسلام آباد (مانیٹرنگ ڈیسک)شاہد خان آفریدی فلاحی کاموں میں بڑھ چڑھ کر اپنا حصہ ڈال رہے ہیں اور مختلف جگہوں پر ان کے بیانات سوشل میڈیا کی زینب بنتے جارہے ہیں ۔ حال ہی میں ان کا یہ بیان سوشل میڈیا کی زینت بنا رہا جس میں انہوں نے نریندر مودی پر سخت تنقید کے نشتر برساتے ہوئے کہا کہ دنیا میں کرونا وائرس کی تباہ کاریاں جاری ہیں جبکہ بھارتی وزیراعظم مذہب کے نام پر سیاست کر رہے ہیں ۔

جبکہ ایک اور موقع پر ان کا کہنا تھا کہ میں اگر پاکستان کا وزیراعظم بنا تو پاکستان کو کرپشن سے پاک کر دوں گا ۔ آفریدی کے بیانات کی روشی میںسوشل میڈیا صارفین میں ایک تجسس نظر آرہا ہے کہ شاہد آفریدی کیا سیاست میں آنے کا ارادہ رکھتے ہیں ؟ جس پر ملکی سیاست دان بھی بات کرتے نظر آرہے ہیں ۔ سندھ ہائی کورٹ میں پیشی کے وقت سابق وزیراعظم شاہد خاقان عباسی نے کہا ہے کہ پاکستان میں ہرکوئی سیاست کر سکتا ہے کوئی بھی وزیراعظم بن سکتا ہے ، یہ ثابت ہو گیا ہے کہ کرکٹر ناکام سیاست دان ہوتے ہیں ، آفریدی سیاست میں آنا چاہتے ہیں تو وہ بلکل آئیں یہ ان کا آئینی و قانونی حق ہے لیکن وزیراعظم بننے کیلئے انہیں الیکشن لڑنا اور جیتنا پڑیں گےبغیر الیکشن لڑے انہیں وزیراعظم قبول کسی صورت نہیں کریں گے ۔