اسلام آباد (این این آئی)وفاقی وزیر ریلوے شیخ رشیدنے کہاہے کہ شہبازشریف کو باہرکوئی نہیں جانے دے گا۔۔عمران خان پانچ سالہ دوراقتدار پورا کریں گے،وہ وقت گزرگیا کہ لوگ اپوزیشن میں بیٹھنا پسند کرتے تھے۔وفاقی وزیر ریلوے شیخ رشید کا پشاورکینٹ ریلوے اسٹیشن میں پریس کانفرنس میں کہنا تھا کہ شہباز شریف نے بڑی دھواں دھار تقریر کی،شہباز شریف نے باہر نہ جانے کا کہا ہے،کل سے 30 ٹرینیں

چلانے جا رہے ہیں،عوام ایکسپریس کل صبح آٹھ 30 بجے روانہ ہو گی،کل سے تین ٹرینیں پشاورسے چلیں گی،ساٹھ فیصد مسافر ٹرین میں سفر کر سکیں گے،31 مئی تک 30 ٹرینیں چلیں گی، وفاقی وزیر کا کہنا تھا کہ ٹکٹ کی قیمت میں کوئی کمی نہیں کی گئی،میرے منہ سے غلطی سے 24 کروڑ لوگ نکل گیا،خوشی ہے لوگ میری غلطی سے بھی محبت کرتے ہیں،شیخ رشید کا کہنا تھا کہ عمران خان کی حکومت کو کوئی چیلنج نہیں۔