لاہور(مانیٹرنگ ڈیسک)غیر اخلاقی ویڈیو کیس، اداکارہ میرا اور کیپٹن نوید کے وارنٹ گرفتاری جاری کر دیئے گئے ۔ تفصیلات کے مطابق لاہور کی مقامی عدالت میں اداکارہ میرا اور کیپٹن نوید کی غیر اخلاقی ویڈیو سے متعلق شہری نے سیشن کورٹ میں درخواست دی جس میں اس نے موقف اختیار کرتے ہوئے بتایا کہ غیر اخلاقی ویڈیو بنانا اخلاقیات اور اسلامی تعلیمات کے منافی ہے جس کا
منظر عام پر آنے کے بعد پاکستان کی دنیا بھر میں بدنامی اور ملکی وقار مجروح ہوا ہے ۔ کیس کی گزشتہ سماعت کے دوران عدالت نے میرا کو ذاتی طور پر پیش ہونے کا حکم دیا تھا جبکہ عدالتی طلبی کے باوجود ددنوں پیش ہوئے اور نہ ہی ان کے وکلاء نے کوئی جواب جمع کرایا جس کے بعد عدالت نے دونوں کے وارنٹ گرفتاری جاری کرتے ہوئے انہیں پیش کرنے کا حکم جاری کیا ۔
