اسلام آباد (مانیٹرنگ ڈیسک)پاکستان آرمی کے کیڈٹ سہیل یونس 14مہینے مسلسل کوما میں رہنے کے بعد اپنی خالق حقیقی سے جا ملے ہیں ۔ تفصیلات کے مطابق پاکستان ملٹری اکیڈمی میں جاری باکسنگ میچ کے دورا کا کول میں زیر تربیت سہیل یونس کا تعلق 141لانگ کورس سے تھا ۔ گزشتہ سال انہیں کافی چوٹیں آئی تھیں وہ شدید زخمی ہو گئے تھے جس کے بعد انہیں سی ایم ایچ راولپنڈی میں علاج کی

غرض سے لایا گیا جہاں وہ شدید زخمی ہونے کی وجہ سے کوما میں چلے گئے ، بدقسمتی سے قبل سہیل یونس کے والد اور بھائی چھ ماہ قبل ہی روڈ ایکسڈنٹ میں وفات پا چکے تھے ، ٹھیک چھ ماہ بعد یہ افسوسناک واقعہ رونما ہوا جس کے بعد ان کی بیوہ والدہ بالکل اکیلی ہو گئی ہیں ۔ علاج کی غرض سے سی ایم ایچ منتقل کیے جانے والے سہیل یونس چودہ ماہ کی مسلسل بیماری کے بعد انتقال کر گئے ہیں ۔ تاہم مذکورہ واقعہ کے سوشل میڈیا پر وائرل ہونے کے بعد اس وقت سوشل میڈیا کی کمیونٹی نے سہیل یونس کے مخالف باکسنگ کرنے والے کیڈٹ پر شدید برہمی کا اظہار کرتے ہوئے سہیل یونس کی حالت کا ذمہ دار اس ہی کو قرار دیا تھا۔واضح رہے کہ گزشتہ سال 16 جنوری 2019 کو پاکستان ملٹری اکیڈمی کے ایک نوجوان کیڈٹ سہیل یونس کو پی ایم اے میں باکسنگ میچ کے دوران شدید چوٹیں آئی تھیںاور وہ کوما میںچلے گئے تھے ۔

موضوعات:پاکستان آرمی کیڈٹ سہیل یونس