اسلام آباد (این این آئی)آف شور کمپنیوں میں دس فیصد شیئر خفیہ رکھنے کی اجازت دینے کا معاملہ،پیپلز پارٹی نے فیصلے کو اپنے قریبی ساتھیوں کے لئے این آر او قرار دے دیا۔ ایک بیان میں نفیسہ شاہ نے کہاکہ حکومتی فیصلہ ایمنسٹی اسکیم کے بعد اپنوں کے لئے یہ ایک اور تحفہ ہے۔ انہوںنے کہاکہ تحریک انصاف کا شیئرز خفیہ رکھنے کا

فیصلہ اپنے دوستوں کو این آر او دینے کی کوشش ہے۔انہوںنے کہاکہ تحریک انصاف نے اپوزیشن کے خلاف آف شور کمپنیوں پر ہنگامہ برپا کیا، اب آرڈیننس کے ذریعے اپنے ہی لوگوں کو کے اثاثوں کو محفوظ کیا جا رہا ہے، حکومتی فیصلے سے ان کے اپنے لوگ اثاثے خفیہ رکھ سکیں گے، تحریک انصاف کے قول و فعل میں واضح فرق سامنے آگیا ہے۔