لاہور(این این آئی)مسلم لیگ (ن)کی رہنما حنا پرویز بٹ نے اپنی لیڈر سابق وزیر اعظم نواز شریف کی صاحبزادی مریم نواز کو ارطغرل سے ملادیاجس پر ٹی ٹی آئی کارکنوں نے شدید برہمی کا اظہار کیا ہے ۔سماجی رابطے کی ویب سائٹ ٹوئٹر پر اپنی ٹوئٹ میں حنا پرویز بٹ نے لکھا کہ ’آج کل میں ’ارطغرل غازی‘ دیکھ رہی ہوں اور مریم نواز ارطغرل جیسی قائدانہ صلاحیتوں کی مالک ہیں۔انہوں نے لکھا کہ

ارطغرل کی خوبیوں یعنی اپنے خدا پر مضبوط ایمان، حوصلہ، بہادری، بدترین حالات میں بھی ہمت نہ ہارنا، اچھے اور برے لوگوں کی پہچان، سب لوگوں کی مخالفت کے باوجود اپنے مقصد پر کھڑے رہنا جیسی خوبیوں کی مریم نواز بھی مالک ہیں۔ٹوئٹر پر ان کے اس بیان کو کسی نے سراہا تو کئی ان کے خلاف بات کرتے بھی نظر آئے۔پاکستان تحریک انصاف کے کارکنان حنا پرویز بٹ کی اس ٹوئٹ کے بعد خاصے غصے میں نظر آئے جو اپنے لیڈر عمران خان کو ارطغرل جیسا ہیرو مانتے ہیں۔

موضوعات:مریم نواز