اسلام آباد( آن لائن ) پاکستان پیپلزپارٹی کے چیئرمین بلاول بھٹو نے کہا ہے کہ وزیرخارجہ اپنا سندھ کارڈ سے متعلق بیان واپس لیں، یا استعفا دیں، اس قسم کی بیان بازی ناقابل برداشت اور وفاق کیلئے نقصان دہ ہے، وفاقی وزیر صاحب!ہمیں پتا ہے آپ نے اپنا لوہا کیسے منوایا، آپ کوکس نے وزیراعظم بننے کا خواب دکھایا، اب یہ وزیر پی ٹی آئی میں بھی وہی کھیل رہا ہے۔انہوں نے پریس کانفرنس کرتے ہوئے کہا کہ

دوسرا سال ہے کہ حکومت ٹڈی دل کو ختم کرنے میں ناکام ہے۔ ٹڈی دل صرف کسان کیلئے نہیں بلکہ پاکستان کی فوڈ سکیورٹی کیلئے خطرہ ہے۔ یواین کی رپورٹ میں کہا گیا کہ پاکستان کی فوڈ سکیورٹی کو زیادہ خطرہ ہے۔انہوں نے کہا کہ ہم مطالبہ کرتے ہیں کہ وفاقی حکومت کو ہیلتھ ورکرز کے ریلیف کیلئے اقدامات اٹھانے چاہئیں۔سندھ حکومت ہیلتھ ورکرز کو رسک الاؤنس دے گی۔ دنیا بھر میں نرسیں اپنی جان خطرے میں ڈال کرانسانیت کی خدمت کررہی ہے۔ وبائ￿ سے نمٹنے کیلئے سندھ حکومت کنٹریکٹ پر بھرتیاں کررہی ہے، بعد میں ان کو کنفرم بھی کریں گے۔ وزیراعظم کو پارلیمنٹ میں آنا چاہیے تھا، ان کی ذمہ داری ہے، وہ وزیرصحت بھی ہیں، ان کو ہاؤس میں آکر صورتحال سے آگاہ کرنا چاہیے۔وفاقی وزیر کہتا ہے کہ ہمیں سندھ سے بو آرہی ہے؟ کس قسم کی بیان بازی ہے؟ جب ہم بلوچستان کے ساتھ زیادتی اور انسانی حقوق کی دھجیاں اڑائی جارہی ہیں، ہم ان کی بات کرتے ہیں، تو کیا ہم بلوچستان کارڈ کھیلتے ہیں، جب جنوبی پنجاب کی پسماندگی، خیبرپختونخواہ اور گلگت بلتستان کی بات کرتے ہیں تو کیا ہم کوئی کارڈ کھیل رہے ہیں؟وزیرخارجہ اپنا بیان واپس لیں ، اگر بیان واپس نہ لیا تو استعفا دیں، اس قسم کی بیان بازی برداشت نہیں کریں گے، اس سے وفاق کو نقصان پہنچ سکتا ہے، میں آپ کی طرف ہاتھ بڑھانے کی بات کررہاہوں، لیکن آپ منہ پر تمانچہ لگا رہے ہیں؟ کیا مطلب ہے آپ اپنا سندھ میں سیاسی لوہا منوایا منوائیں گے؟ یہ وقت سیاسی لوہا منوانے کا ہے؟ہم اس وقت پنجاب میں سیاسی لوہا منوانے یا الیکشن جیتنے

کا نہیں سوچ رہے ہیں۔ہم صرف پاکستان کے عوام کی زندگی کے بارے سوچ رہے ہیں۔وفاقی وزیر صاحب!ہمیں پتا ہے آپ نے اپنا لوہا کیسے منوایا، ہمیں مجبور نہ کریں ساری باتیں قوم کے سامنے لے کر آئیں، مجھے تو پتا ہے جب یہ وزیرہمارا وزیر تھا، کس نے اپروچ کیا اور کس نے وزیراعظم بننے کا خواب دکھایا، اب یہ وزیر پی ٹی آئی میں بھی وہی کھیل رہا ہے،

پی ٹی آئی یا عمران خان کا نہیں بلکہ اپنا سیاسی لوہا کھیلنے کا کھیل رہا ہے۔یہ وقت سیاست کا نہیں ہے، ہمارے ہیلتھ ورکرز شہید ہورہے ہیں، 11ہیلتھ ورکرز شہید ہوچکے ہیں، 600پاکستانی انتقال کرچکے ہیں۔ہم نے ذمہ داری اور غیرسیاسی طریقے سے مفاہمت سے اپنی عوام کی جان بچانی ہے۔میں نے شروع دن سے ہی مفاہمت کی بات کی ہے۔

موضوعات:پاکستان پیپلزپارٹی کے چیئرمین بلاول بھٹو زرداری