لاہور( این این آئی)پنجاب اسمبلی میں تعینات پولیس اہلکار سمیت تین ملازمین میں کورونا وائرس کی تشخیص ہو گئی جبکہ مزید کئی ملازمین کے ٹیسٹوں کی رپورٹس آنا باقی ہیں۔ تفصیلات کے مطابق اپوزیشن کی ریکوزیشن پر جمعہ کے روز پنجاب اسمبلی کے بلائے گئے اجلاس کے

پیش نظر اسمبلی سیکرٹریٹ اور حفاظتی ڈیوٹی پر تعینات پولیس اہلکاروں کے کورونا وائرس کے ٹیسٹ لینے کا سلسلہ شروع کیا گیا تھا ۔ بتایاگیا ہے کہ تین ٹیسٹوں کی رپورٹس مثبت آ گئی ہیں جن میں دو کا تعلق پنجاب اسمبلی سیکرٹریٹ جبکہ ایک پولیس اہلکار شامل ہے ۔