اسلام آباد (این این آئی)پاکستان پیپلزپارٹی کے چیئرمین بلاول بھٹو زرداری نے کہا ہے کہ ملک بھر میں ٹڈی دل کے حملے کے وقت ایک بار پھر وفاقی وزیر برائے غذائی تحفظ لاپتہ ہیں۔ ٹوئٹر پر اپنے بیان میں انہوںنے کہاکہ ملک بھر میں ٹڈی دل کے حملے کے وقت ایک بار پھر وفاقی وزیر برائے غذائی تحفظ لاپتہ ہیں، گزشتہ برس باوجود ہماری متعدد درخواستوں کے صوبوں کو ٹڈی دل کے رحم و کرم پر چھوڑدیا گیا تھا۔ چیئرمین بلاول بھٹو زرداری نے کہاکہ اگر وفاقی حکومت پھر ناکام ہوئی تو ٹڈی دل کے حملے کی صورت میں ایک اور سانحہ جنم لے رہا ہے۔