اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے کہا ہے کہ جواب جمع کرانے کے باوجود شہبازشریف کی دوبارہ طلبی نیب نیازی گٹھ جوڑ فکسڈ میچ کا ناقابل تردید ثبوت ہے۔ ایک بیان میں انہوںنے کہاکہ نیب ردعمل ثبوت ہے کہ شہبازشریف کا 24صفحات کا تفصیلی جواب پڑھا ہی نہیں گیا ۔

انہوںنے کہاکہ شہبازشریف کا جواب پڑھے بغیر دوبارہ طلبی نوٹس نیب نیازی گٹھ جوڑ کی بدنیتی کا مظہر ہے۔ انہوںنے کہاکہ پانچ منٹ میں جوابی مراسلہ بھی بھیج دینا نیب نیازی گٹھ جوڑ کی بدنیتی کا ثبوت ہے،جواب پڑھے بغیر نیب کا عدم اطمنان منصفانہ نہیں۔ انہوںنے کہاکہ تمام مطلوبہ معلومات جمع کرادینا عدم تعاون نہیں ہوتا،133 دن حراست میں رہنا عدم تعاون نہیں ہوتا،61 دن نیب عقوبت خانے میں ناحق قید گزارنا عدم تعاون نہیں۔ انہوںنے کہاکہ نیب کے رویے سے ظاہر ہے کہ شہبازشریف کے جواب سے پہلے ہی نیب جواب تیار تھا ،نیب کا زور ’پیشی‘ پر ہے، شہبازشریف کے جواب پر نہیں۔