اسلام آباد( آن لائن،مانیٹرنگ ڈیسک ) وزیراعظم عمران خان کا کورونا ٹیسٹ کے لئے سیمپل لے لیا گیا۔ رزلٹ آج آنے کا امکان ہے۔ وزیراعظم عمران خان نے چند روز قبل فیصل ایدھی سے ملاقات کی تھی جن کا کورونا ٹیسٹ مثبت آنے پر وزیراعظم عمران خان کا کورونا ٹیسٹ کرنے کا فیصلہ کیا گیا ہے۔

میڈیا رپورٹس کے مطابق وزیراعظم عمران خان کا کورونا ٹیسٹ کرنے کے لئے سیمپل لے لیا گیا ہے جس کا نتیجہ آج بدھ کے روز کسی بھی وقت آنے کا امکان ہے ۔ وزیراعظم عمران خان نے چند روز قبل فیصل ایدھی سے ملاقات کی تھی جبکہ گزشتہ روز فیصل ایدھی کا کورونا ٹیسٹ مثبت آیاتھا جس کے بعد وزیراعظم عمران خان کو کورونا ٹیسٹ کروانے کا فیصلہ کیاگیا۔ وزیراعظم عمران خان کا کورونا ٹیسٹ سیمپل حاصل کر کے شوکت خانم لیبارٹری کو بھجوا دیا گیا ہے۔نجی ٹی وی کے مطابق وزیر اعظم سے گزشتہ روزگورنرصوبہ خیبرپختونخوا شاہ فرمان اوروزیراعلیٰ محمود خان نے بھی ملاقات کی ہے۔اس کے علاوہ ڈائریکٹر فنانس بیسٹ و ے سیمنٹ،چیف ایگزیکٹو ایفکو پاکستان نے بھی ملاقات کی اور کرونا ریلیف فنڈ کیلئے عطیات جمع کرائے۔