اسلام آباد (این این آئی) پی ڈبلیو ڈی میں ایک ہی گھر سے چھ کورونا وائرس کیسز سامنے آگئے جس کے بعد پی ڈبلیو ڈی کی گلی نمبر چوالیس کو سیل کر دیا گیا۔ میڈیا رپورٹ کے مطابق وائرس سے متاثرہ مریضوں کو آئسولیشن وارڈز میں شفٹ کر دیا گیا۔دریں اثنااین ڈی ایم اے نے ملک بھر کے ہسپتالوں میں ڈاکٹروں اور طبی عملہ کیلئے حفاظتی سامان کی تیسری کھیپ کی ترسیل جاری کر دی ،گلگت بلتستان کے ہسپتالوں کے لیے سامان بھیج دیا گیا ،بھیجے گئے سامان میں 34 ہزار 5سو سرجیکل ماسک

اور 962 این-95 ماسک شامل ہیں،6 ہزار 929 حفاظتی سوٹ، 3 ہزار 161دستانے اور 175جوڑے ICU کے جوتے بھی سامان میں دیئے گئے،4 ہزار 958 سرجیکل ٹوپیاں ، 3 ہزار 767 جوتوں کے کور اور 1577 حفاظی گاوون بھی شامل ہیں۔ 2000 بائیو ہزرڈ سوٹ، 500 باڈی بیگز اور 50 سیفٹی باکس بھی سامان میں شامل ہیں ۔ این ڈی ایم اے کے مطابق ایک لیٹر والی 50 بوتلیں ، 150ملی لیٹر والی 1500 بوتلیں سنیٹایزر اور30 بوتلیں میتھنول اور 3500 بوتلیں ہینڈ واش بھی ارسال کی گئی۔