اسلام آباد(مانیٹرنگ ڈیسک)عالمگیروبا کورونا وائرس سےصرف پنجاب کی معیشت کو6سے 18 کھرب روپے تک کے نقصان جبکہ صوبے میں 30 سے 40 لاکھ ملازمتیں فوری طور پر ختم ہونے کا اندیشہ ہے۔یہ انکشاف پلاننگ اینڈ ڈویلپمنٹ بورڈ کی ایک رپورٹ میں ہوا ہے۔ وزیر اعلی کو پنجاب کو ارسال کی گئی رپورٹ کے مطابق کورونا کے باعث پنجاب کا جی ڈی پی بھی3فیصد سے 9 فیصد تک کم ہو جانے کا خدشہ ظاہر کیا گیا ہے جو ہرماہ ایک فیصد تک مزید کم ہوگا۔یاد رہے کہ عالمی مالیاتی فنڈ نے بھی خبردار کیا ہے کہ بر اعظم ایشیا کی

تیزی سے ترقی کرتی ہوئی اقتصادیات موجودہ نئے کورونا وائرس کی عالمی وبا سے بری طرح متاثر ہو سکتی ہیں۔غیرملکی خبررساں ادارے کے مطابق آئی ایم ایف کے ایشیا پیسیفک خطے کے ڈائریکٹر چینگ یونگ ری نے کہاکہ 1960 کی دہائی کے بعد ایسا پہلی مرتبہ ہو سکتا ہے کہ خطے میں اقتصادی نمو کی شرح صفر فیصد رہے۔ ان کے بقول یہ صورتحال سن 2008 اور سن 2009 کے مالیاتی بحران اور ایشیا میں سامنے آنے والے سن 1997 اور سن 1998 کے معاشی بحرانسے کہیں زیادہ سنگین ہو سکتی ہے۔