اسلام آباد (مانیٹرنگ ڈیسک)کراچی پولیس کا کارنامہ ،دو وقت کی روٹی کیلئے دیہاڑی دار مزدور گرفتار کر لیے گئے ۔ تفصیلات کے مطابق کراچی کے علاقے کلری می پولیس نے کنسٹرکشن کی جگہ پردو وقت کی روٹی کمانے کیلئے آئے دیہاڑی دار مزدوروں کو گرفتار کرے انہیں لاک اپ میں بند کر دیا ۔

ایس ایچ او نے انوکھی منطق پیش کرتے ہوئے کہا ہے کہ کنسٹرکشن کےکام کیلئے اعلان وفاقی حکومت کا تھا صوبائی حکومت نے ایسا کوئی اعلان نہیں کیا ہے ، اس لیے لاک ڈائون کی خلاف ورزی کرنے والوں کو گرفتار کیا گیا ہے ۔ پولیس افسر کا کہنا تھا خود تعمیرات کی کنسٹرکشن کی جگہ سے مزدور کو گرفتار کیا اور 4کیخلاف ایف آئی آر درج کی ہے ۔بتایا گیا ہے کہ باقی افراد کو سے رشوت لینے کےبعد چھوڑ دیا ۔ مزدور ں کی رواداد بھی دل دہلا دینے والی تھی ان کا کہنا تھا کہ گزشتہ ایک ماہ سے ہم لوگ لا ک ڈائون کی وجہ سے اپنے بچوں اور گھر والوں کیلئے کچھ نہیں کما پا رہے تھے گھر وںمیں نوبت فاقوں کی سی تھی ۔ وزیراعظم کے اعلان کے بعد ہمیں بتایا گیا کہ کنسٹرکشن سے پابندی اٹھالی گئی جس کے بعد ہم غلطی سے کام پر آگئے آج پہلا ہی دن تھا کہ پولیس نے ہمیں آگاہ کیے بغیر گرفتار کر لیا اور پیسے لینے کے بعد چھوڑا ہے، کئی مزدوروں کا کہنا تھا کہ ہمارے ٹھیکدار نے انہیں قرضہ دے کر چھڑوایا ہے اور وہ پیسے ہماری دیہاڑیوں سے کاٹے جائیں گے ۔