ملتان (آن لائن) پی ٹی آئی کے نوجوان رکن اسمبلی سلمان نعیم نے کورونا کو شکست دے دی۔تفصیلات کے مطابق حکمران جماعت تحریک انصاف کے رکن پنجاب اسمبلی سلمان نعیم 10 اپریل کرونا وائرس کا شکار ہوگئے تھے۔سلمان نعیم نے سوشل میڈیا پر جاری کیے گئے پیغام میں کرونا وائرس کا ٹیسٹ مثبت آنے کی تصدیق کی تھی۔ سلمان نعیم کا کہنا تھا کہ سوشل میڈیا پر ان کی صحت کے حوالے سے
جو خبریں گردش کر رہی ہیں، وہ ان کی تصدیق کرتے ہیں۔کرونا وائرس ٹیسٹ مثبت آنے کے بعد سلمان نعیم کا رجب طیب اردگان ہسپتال میں علاج کیا گیا تھا۔ انہیں آئسولیشن وارڈ میں رکھا گیا۔ کورونا وائرس کا شکار ہونے پر سیاسی رہنماوں اور ان کے ووٹرز کی جانب سے رکن اسمبلی کیلئے نیک خواہشات کا اظہار اور ان کی جلد صحتیابی کی امید ظاہر کی گئی تھی تاہم اب وہ اس مہلک وائرس سے نجات پانے میں کامیاب ہو گئے ہیں۔
