واشنگٹن (این این آئی)واشنگٹن ڈی سی میں قائم پاکستانی سفارت خانے سے جاری بیان میں امریکا میں کورونا وائرس کے باعث پاکستانیوں کی اموات کے حوالے سے گردش کرنے والی خبروں کو غیر مصدقہ قرار دیا گیا ۔پاکستانی سفارت خانے سے جاری بیان میں کہا گیا کہ امریکا میں حکام کی جانب سے مصدقہ اعداد و شمار دستیاب نہیں ہیں۔بیان میں کہا گیا کہ کمیونٹی کے ذرائع اور چند متاثرہ گھروں کا حوالہ دے کر یہ صرف اندازے ہیں۔
اس طرح کے اعداد و شمار کی تصدیق نہیں کی جاسکتی ہے۔کہا گیا کہ شکاگو، لاس اینجلس اور ہیوسٹن سے بھی اس طرح کی کوئی رپورٹس موصول نہیں ہوئیں۔سفارت خانے کے مطابق امریکا میں کورونا وائرس کے باعث حالات تیزی سے بگڑ رہے ہیں۔پاکستانی برادری کے حوالے سے کہا گیا کہ سفارت خانہ اور قونصل جنرل ہماری برادری کے اراکین سے رابطے میں ہیں اور جس طرح کی مدد اور تعاون کی ضرورت پڑی تیار ہیں۔
