لاہور( این این آئی)پاکستان مسلم لیگ (ن) کے صدر و قائد حزب اختلاف محمد شہباز شریف نے بھارت کی جانب سے لائن آف کنٹرول پر بلااشتعال خلاف ورزیوں کی شدید مذمت کرتے ہوئے بچی سمیت 4 شہریوں کے زخمی ہونے پر افسوس کا اظہار کیا ہے ۔ اپنے بیا ن میں شہباز شریف نے کہا کہ ایل او سی پر شاردہ، شاہ کوٹ، ڈھڈیال سیکٹر پر بلااشتعال گولہ باری انتہائی قابل مذمت اور افسوسناک ہے ،اقوام متحدہ اور عالمی برادری بھارت کی جانب سے
شہری آبادی کو نشانہ بنانے کا نوٹس لے ،انسانیت کورونا وائرس سے لڑ رہی ہے ، ایسے ماحول میں بھی بھارت جنگی جنون میں مبتلا ہے ،بھارت مقبوضہ جموں کشمیر کے اندر اور سرحدوں پر کھلی جارحیت اور درندگی کا مظاہرہ کر رہا ہے ،بھارتی رویہ علاقائی اور عالمی امن وسلامتی کے لئے سنگین خطرہ اور کورونا وباء کی خلاف کوششوں میں رکاوٹ ڈالنے کے مترادف ہے ۔ شہباز شریف نے زخمی شہریوں کی جلد صحت یابی کیلئے دعا کی ۔
