لندن (نیوز ڈیسک)یارکشائر کےلئے کھیلتے ہوئے آسٹریلوی کرکٹر آرون فنچ کے سینے پر بال لگ گئی جس کے بعد انہیں ہسپتال منتقل کرنا پڑا۔میڈیا رپورٹ کے مطابق آسٹریلوی اوپنر وارسسٹرشائر کے باو¿لر کرس رسل کی گیند کو پل کرنا چاہتے تھے تاہم بال ان کے سینے پر لگ گئی۔فنچ بغیر کسی سہارے کے میدان سے باہر چلے گئے تاہم یہ بات واضح تھی کہ انہیں درد محسوس ہورہا ہے تاہم منہ سے خون آنے کے بعد انہیں فوری طور پر ہسپتال منتقل کردیا گیا۔ہسپتال میں ان کے مختلف قسم کے ٹیسٹ کیے گئے تاکہ ان کی انجریز کے حوالے سے پتہ لگایا جاسکے یارکشائر کے مطابق ان کی حالت اب کافی بہتر ہوچکی ہیں اور انہیں ہسپتال میں رکنے ضرورت نہیں۔کلب کے ترجمان نے بتایا کہ وہ فنچ میچ میں مزید شرکت نہیں کریں گے۔