میر پور (نیوز ڈیسک)لٹل ماسٹر سچن ٹنڈولکر اور بھارتی کرکٹ ٹیم کے سب سے بڑے مداح سدھیر گوٹم نے دعویٰ کیا ہے کہ بنگلہ دیش کے ہاتھوں دوسرے ایک روزہ میں ذلت آمیز شکست کے بعد بنگلہ دیشی شائقین کرکٹ نے اس پر ڈھاکہ میں حملہ کیا۔اپنے جسم کو بھارتی ترنگے سے پینٹ کرنے والے 34 سالہ سدھیر نے بتایا کہ اس پر شائقین کی جانب سے پتھراو¿ کیا گیا جب کہ اس رکشے پر بھی حملہ کیا گیا جس پر وہ سفر کر رہا تھا۔سدھیر نے بتایا کہ مشتعل شائقین نے یہ چلاتے ہوئے رکشے کا تعاقب کیا کہ وہ بھارت سے کوارٹر فائنل میں شکست کا بدلہ لیں گے۔ سدھیر کے مطابق اس موقع پر سیکیورٹی حکام نے مداخلت کرکے انہیں مشتعل ہجوم سے بچایا۔یاد رہے کہ بنگلہ دیش کے 19 سالہ فاسٹ باو¿لر مستفیض الرحمن دوسرے میچ میں بھی تباہ کن باو¿لنگ کے ذریعے اپنے ٹیم کو تین ایک روزہ میچز کی سیریز میں ناقابل شکست برتری دلوائی۔فتح کے ساتھ بنگلہ دیش نے 2017 میں کھیلی جانے والی چیمپئنز ٹرافی کے لیے اپنا جگہ بھی پکی کر لی۔بھارت اور بنگلہ دیش کے درمیان سیریز کا آخری میچ بدھ کو کھیلا جائے گا۔