لندن(این این آئی) ڈسٹ بن کے شاپر پہن کر کورونا وائرس سے متاثرہ مریضوں کا علاج کرنے پر مجبور کی جانے والی نرسیں بھی اس وائرس سے متاثر ہو گئی ہیں۔چند روز قبل تین نرسوں کی تصویر سوشل میڈیا پر وائرل ہوئی تھی جو کہ کورونا وائرس سے بچائو کی حفاظتی کٹ نہ ہونے کے باعث ڈسٹ بن کے شاپر پہنے ہوئے کام کرنے پر مجبور تھیں۔کورونا کے خلاف پہلی صفوں میں محاذ آرا نارتھوک پاک اسپتال کی تینوں
نرسوں میں گزشتہ رات کورونا وائرس کی تصدیق ہوئی ہے۔میڈیارپورٹس کے مطابق اسپتال کے قریبا نصف سے زیادہ اسٹاف کا کورونا وائرس کے متاثرہ مریضوں سے بالواسطہ یا بلاواسطہ تعلق رہا ہے اور اب اسپتال کے مالکان کو اسٹاف کی حفاظت کے لیے اقدامات نہ اٹھانے پر تنقید کا نشانہ بنایا جا رہا ہے۔دوسری جانب دنیا بھر میں کورونا کیسز کی تعداد پندرہ لاکھ سترہ ہزار سے تجاوز کر گئی ہے اور88,495 افراد لقمہ اجل بن چکے ہیں۔
