گجرات (این این آئی)گجرات کی تحصیل کھاریاں میں 18 سالہ گھریلو ملازمہ کی ہلاکت پر گھر کے مالک کیخلاف قتل کا مقدمہ درج کرکے ملزمان کی تلاش شروع کردی ہے۔پولیس کے مطابق ملازمہ کی موت کا واقعہ کھاریاں کینٹ کے علاقے میں پیش آیا جہاں 18 سالہ رمشا گھریلو ملازمہ کی حیثیت سے کام کرتی تھی۔رمشا کے اہل خانہ نے بتایا کہ ملزم ڈاکٹر محمد علی کا کہنا تھا کہ رمشا کی موت 27 مارچ کو
کورونا وائرس سے ہوئی اور اسی وجہ سے رمشا کا چہرہ دیکھے بغیر ہی تدفین کی گئی۔دوسری جانب انتقال کے بعد رمشا کی لاش پہلے تحصیل ہیڈ کوارٹر ہسپتال پہنچائی گئی تھی جہاں ڈیڈ باڈی سے نمونے حاصل کرلیے گئے تھے اور اب رپورٹ منفی آنے پر رمشا کے والد غلام یاسین کی مدعیت میں ڈاکٹر محمد علی اور اْن کے کزن کے خلاف قتل کا مقدمہ درج کرکے ملزمان کی گرفتاری کیلئے چھاپے مارے جارہے ہیں ۔
