اسلام آباد (این این آئی)کورونا کے چیلنج سے نمٹنے کے لیے وفاقی حکومت کا ایک اور اقدام ،ملک کے طول و عرض میں کورونا کے بارے میں تمام ضروری معلومات مقامی زبانوں میں پہنچانے کے لیے وٹس ایپ ہیلپ لائن کا اجرا کر دیا گیا ۔ منگل کو انگریزی، اردو، پنجابی، پشتو، سندھی، بلوچی اور کشمیری زبان پر مبنی ہیلپ لائن کا آغاز کیا گیا ۔ +92-300-111-1166کی بدولت شہری

کورونا کے بارے میں اپ ڈیٹ، خطرے کی صورتحال اور کورونا ٹیسٹ کے حوالے سے نزدیکی لیبارٹری کے بارے میں جان سکیں گے ،وٹس ایپ ہیلپ لائن عوام کو مستند معلومات کی فراہمی میں اہم قدم ہے ،وٹس ایپ ہیلپ لائن پر پیغام بھیجتے ہی مطلوبہ معلومات فراہم کردی جائیں گی۔ وزیر اعظم نے کہاکہ کورونا سے ڈرنا نہیں لڑنا ہے۔

موضوعات:وٹس ایپ