اسلام آباد (این این آئی)کورونا وائرس کیخلاف جنگ، ہائیر ایجوکیشن کمیشن بھی متحرک ہو گیا ،ایچ ای سی نے یونیورسٹیز اور سائنسدانوں سے تخلیقی و تحقیقاتی تجاویز طلب کر لیں۔ منگل کو ایچ ای سی نے یونیورسٹیز اور سائنسدانوں کے نام مراسلہ ارسال کر دیا۔ ایچ ای سی کے مراسلے میں کہاگیاکہ کورونا سے نمٹنے کیلئے تحقیقاتی اور تخلیقی پر عمل کیلئے خصوصی گرانٹ دی جائے گی،

وائرل بیماریوں کے دوران سرویلنس نظام کی تیاری کیلئے تجاویز دیں۔ایچ ای سی کے مطابق کورونا کیخلاف قوت مدافعت کو بڑھانے کیلئے بھی تجاویز دی جائیں، پاکستان میں کم لاگت پر میڈیکل اور سرجیکل آلات کی تیاری کیلئے تجاویز دیں۔ای ای سی نے اس پروجیکٹ کیلئے 27.5 ملین روپے مختص کر دیئے،ایچ ای سی نے تجاویز جمع کروانے کیلئے آخری تاریخ 3 اپریل مقرر کر دی۔