اسلام آباد (این این آئی)وزیر اعظم کورونا ریلیف ٹائیگر فورس کی تشکیل،رضاکاروں کی رجسٹریشن 31 مارچ سیٹیزن پورٹل پر شروع ہوگی۔ ذرائع کے مطابق ڈیجیٹل فارم تیار ہوگیا ، 31 مارچ کو سٹیزن پورٹل پر اپ لوڈ کردیا جائے گا،ڈیجیٹل فارم میں نام ،پتہ عمر، موبائل نمبر یونین کونسل و ضلع کی تفصیلات شامل ہوں گی ،کوروناریلیف ٹائیگرز فورس کے لئے رضاکار وں کی رجسٹریشن 10 اپریل تک مکمل ہوجائے گی،
کورونا ریلیف ٹائیگرفورس کی تشکیل ہر یونین کونسل میں کی جائے گی ،کورونا ریلیف ٹائیگرز فورس میں 18 سال سے زیادہ عمر کے نوجوان رجسٹریشن کراسکیں گے ،کورونا ٹائیگرز فورس میں تمام سیاسی جماعتوں کے نوجوان رجسٹریشن کر سکیں گے ،کورونا ریلیف ٹائیگر فورس تمام اضلاع کے ڈپٹی کمشنرز کے ماتحت کام کرے گی ،ملک بھر کے تمام اضلاع کے ڈپٹی کمشنرز کے ساتھ ڈیٹا شیئر کیا جائے گا،کورونا ریلیف ٹائیگر فورس مکمل لاک ڈاؤن یا کرفیو کی صورت میں متحرک کام کریگی،کوروناٹائیگرز فورس ہنگامی حالات میں گھروں تک راشن سپلائی اور خوراک پہنچائے گی ، کوروناٹائیگرز فورس ملک بھر میں ذخیرہ اندوزی کی نشاندہی کر سکیں گے،رضا کار قرنطینہ سنٹرز میں کورونا کے مشتبہ مریضوں کی نگرانی بھی کریں گے ،وزیراعظم کے معاون خصوصی امور نوجوان عثمان ڈار کو اہم ذمہ داریاں مل گئیں،وزیر اعظم کے معاون خصوصی عثمان ڈار نے کورونا ریلیف ٹائیگر فورس بنانے پر کام شروع کر دیا،عثمان ڈار کامیاب نوجوان پروگرام میں نوجوانواں کو بھی متحرک کریں گے۔
