اسلام آباد (مانیٹرنگ ڈیسک) کورونا وائرس کی وبا سے سو فیصد چھٹکارا ممکن ،چین نے دنیا کو راستہ دکھا دیا، تفصیلات کے مطابق سینئر صحافی کامران خان نے ٹوئیٹر پر جاری ایک پیغام میں کہا ہے کہ کورونا وائرس سے چھٹکارہ پانے کا راستہ چین نے بتا دیا ہے۔ اپنے ٹوئیٹر پیغام میں ان کا کہنا ہے کہ اللہ کے فضل وکرم سے بہت بڑی خبر ہے کہ پہلی بار پورے چین میں کورونا کا ایک بھی کیس رپورٹ نہیں ہوا۔
انہوں نے کہا کہ اس وبا سے 100 فیصد چھٹکارا ممکن ہے، چین نے اپنے اقدام سے دنیا کو راستہ دکھا دیا ہے۔ واضح رہے کہ کورونا وائرس کے مرکز ووہان میں بدھ کے روز وائرس کا کوئی بھی نیا کیس رپورٹ نہیں ہوا۔ ووہان میں جب سے وباء کا آغاز ہوا ہے تب سے یہ پہلا موقع ہے کہ وہاں کوئی نیا کیس رپورٹ نہیں ہوا۔ جس کا مطلب ہے کہ ووہان میں وباء پر مکمل طور پر قابو پا لیا گیا ۔
