کراچی(آن لائن)سندھ حکومت نے فیس ماسک بیرون ملک اسمگل کرنے پر ظفر مرزا سے استعفیٰ کامطالبہ کردیا۔ صوبائی وزیر زراعت اسماعیل راہو نے مزید کہا ہے کہ ماسک چوربھی وہی نکلے جو چینی چوراور آٹا چور تھے،ایسے معاملات میں نام نہاد نیب اندھی ہوجاتی ہے،نیب حکومت مخالف سیاستدانوں اور آزاد میڈیا کو دبانے میں مصروف ہے۔انہوں نے کہا کہ بنی گالا میں
بیٹھے چوروں کے خلاف کوئی ایکشن نہیں لے رہا،ملک میں فیس ماسک کی کمی ظفر مرزا کی جانب سے بیرون ملک اسمگل کرنے کی وجہ ہے حکومت ڈاکٹر ظفرمرزا کو فوراً ہٹائے اور اس کے خلاف ایکشن لے۔صوبائی وزیرنے کہا کہ یہ حکومت چوروں کی ہے اوراسکاسرغنہ عمران نیازی ہے،جس نے کچھ نہیں کیا وہ اندر اور جس نے چوری کی وہ باہر بیٹھے ہیں۔
