اسلام آباد (این این آئی)الیکشن کمیشن نے نااہلی کیس میں راجہ بشارت کو جواب جمع کروانے کا آخری موقع دیتے ہوئے کیس کی سماعت 24 مارچ تک ملتوی کر دی۔جمعرات کو ممبر پنجاب جسٹس (ر) الطاف ابراہیم کی کی سربراہی میں تین رکنی کمیشن نے کیس کی سماعت کی ۔ راجہ بشارت کی جانب سے وکیل نوید اختر الیکشن کمیشن میں پیش ہوئے ۔درخواست گزارسیمل وحید کی جانب سے
الیکشن کمیشن میں جواب جمع کرا دیا گیا، راجہ بشارت کے وکیل نے جواب جمع کروانے کے لیے ایک دفعہ پھر وقت مانگ لیا۔ وکیل راجہ بشارت نے کہاکہ درخواست گزات کے جواب کا جائزہ لینے کیلئے مزید وقت دیا جائے۔ ممبر پنجاب کے ریمارکس کے مطابق آج تو آپ کو بحث کرنے کیلئے بلایا تھا آپ پھر التوا مانگ رہے ہیں،کیس کے حوالے سے بحث مکمل کرنے کا آخری موقع دے رہے ہیں۔ الیکشن کمیشن نے ہدایت کی کہ آئندہ سماعت پر دلائل مکمل کریں۔درخواست گزار سیمل وحید نے کہاکہ راجہ بشارت کی جانب سے ہر سماعت مزید وقت مانگ لیا جاتا ہے،الیکشن کمیشن نے راجہ بشارت کو جواب جمع کروانے کا آخری موقع دیتے ہوئے کیس کی سماعت 24 مارچ تک ملتوی کر دی۔
