اسلام آباد(مانیٹرنگ ڈیسک)اسلام آباد میں شکرپڑیاں کے مقام پرطیارہ حادثے میں پائلٹ ونگ کمانڈر نعمان اکرم شہید ہوگئے ، ان کی شہادت پر پوری قوم غمزدہ ہے ، نعمان اکرم نے گزشتہ سال ہی شیر افگن ٹرافی جیتی تھی ،پاکستان ایئر فورس کے ترجمان کی جانب سے جاری کردہ بیان میں کہا گیا ہے کہ ایف 16 طیارہ بھی 23 مارچ
کی پریڈ کی ریہرسل کا حصہ تھا اور اس حادثے میں ونگ کمانڈر نعمان اکرم شہید ہوئے ہیں۔ترجمان کے مطابق اس حادثے کی تحقیقات کے لیے ایک انکوئری بورڈ تشکیل دے دیا گیا ہے جبکہ امدادی کارروائیاں جاری ہیں۔ دوسری جانب صدر ،و زیر اعظم ، چاروں مسلح افواج کے سربراہا ن نے حادثے پر گہرے افسوس کااظہار کیا ہے ۔
