سرگودھا(این این آئی )سرگودھا ریجن کے ضلع میانوالی میں وزیراعظم عمران خان کے دیرینہ ساتھی سینیئرصحافی، کالم نگار اور مصنف انوار حسین حقی انتقال کر گئے جن کو عیدگاہ میں نماز جنازہ کے بعد سپردخاک کر دیا گیا۔ذرائع کے مطابق سرگودھا ریجن کے سینیئر صحافی،کالم نگار،اور مصنف انوار حسین حقی دل کا دورہ پڑنے پر زیر علاج تھے جو گزشتہ روز
میانوالی ہسپتال میں انتقال کر گئے۔ مرحوم علاقہ کے نامورصحافی،کالم نگار اور ادبی شخصیت کے مالک اور وزیراعظم عمران خان کے دیرینہ ساتھی تھے۔مرحوم انوار حسین حقی نے وزیراعظم کی آمد پر اسٹیج کی فرائض سرانجام دیتے تھے۔مرحوم کی نماز جنازہ مرکزی عید گاہ میں ادا کی گئی اور انہیں سینکڑوں سوگواروں کی موجودگی میں سپردخاک کر دیا گیا۔
