سرگودھا(این این آئی)کرونا وائرس کے شبہ میں مریض کو ہسپتال داخل کر کے نمونہ جات ٹیسٹ کے لئے اسلام آباد لیبارٹری بھجوا دیئے گئے۔ذرائع کے مطابق سرگودھا کی تحصیل کوٹ مومن سے تعلق رکھنے والے نوجوان مناظر کے کرونا وائرس کے شکار ہونے کے شبہ میں مریض کا علاج شروع کر دیا اور تشخیص کے لئے خون کے نمونہ جات اسلام آباد لیبارٹری بھجوائے گے۔اس کرونا وائرس کا شکار مریض مناظر حال میں ہی دوبئی سے سے وطن واپس آیا
جو دوبئی قیام کے دوران چائینیز کے ساتھ کام کرتا رہا جو مسلسل بخار کا شکار ہوا تو اسے مبینہ طور پر کرونا وائرس کا شبہ ہونے پر متاثرہ مناظر کو ہسپتال داخل کروا دیا گیا۔ جسے ڈی ایچ کیو ہسپتال کے خصوصی وارڈ میں رکھا گیا ہے اور اس کی سکرینگ کا عمل جاری ہے اور نمونہ جات کا رزلٹ آنے کے بعد کرونا وائرس کا پتہ چلے گا۔ محکمہ صحت کے مطابق ہسپتال میں قائم خصوصی وارڈ میں تمام احتیاطی تدابیر اختیار کی جارہی ہیں۔
