پشاور(نیوزڈیسک)کسی قانونی دستاویز کے بغیر پاکستان میں مقیم افغان باشندوں کی رجسٹریشن کے عمل کا آغاز 25 جولائی سے ہوگا اس عمل پر پچاس کروڑ روپے کے اخراجات ہوں گے جس کا اہتمام ریاستوں اور سرحدی علاقوں کی وزارت، افغان کمیشن اور پناہ گزین اور ان کی وطن واپسی کی افغانستان کی وزارت کے اشتراک کے ساتھ نیشنل ڈیٹا بیس رجسٹریشن اتھارٹی کے ذریعے کیا جائے گا۔ اس عمل کی جنوری 2016ءتک تکمیل کا امکان ہے۔افغان پناہ گزینوں کے کمشنریٹ کے لیے قائم مقام کمشنر وقار معروف نے بتایا کہ پاکستان بھر میں لگ بھگ دس لاکھ غیرقانونی افغان پناہ گزینوں کو رجسٹرڈ کیا جائے گا۔انہوں نے کہا کہ نادرا کو اس کام کی ذمہ داری دی گئی تھی، جو چھ مہینے میں مکمل ہوگا۔انہوںنے کہاکہ اس عمل سے حکومت دستاویزات سے محروم افغان پناہ گزینوں کا براہ راست اور دست ڈیٹا حاصل کرنے کے قابل ہوسکے گی۔وقار معروف نے کہا کہ طے شدہ مدت میں دس لاکھ افغان پناہ گزینوں کو رجسٹر کرنے کا ہدف مقرر کیا گیا ہے، اگر یہ تعداد بڑھ جاتی ہے تو پھر حکومت اس عمل کی توسیع دے سکتی ہے۔حکام کے مطابق لگ بھگ دس لاکھ غیررجسٹرڈ افغان باشندے پاکستان میں موجود ہیں، جن میں سے چھ لاکھ خیبر پختونخوا میں مقیم ہیں ¾ حکومت نے افغان پناہ گزینوں کی رجسٹریشن کی پہلی مہم نادرا کے ذریعے 2006ءمیں شروع کی گئی تھی۔حکام کے مطابق رجسٹرڈ خاندانوں کو 2010ءمیں تین سال کی مدت کے لیے رجسٹریشن کے ثبوت کےلئے کارڈز جاری کیے گئے تھے، اور حکومت نے 2012ءاور 2014ءمیں ان کے قیام کی توسیع کردی تھی۔قانونی دستاویزات سے بغیر پاکستان میں مقیم افغان پناہ گزینوں کی رجسٹریشن نینشل ایکشن پلان کا ایک حصہ ہے۔ وقار معروف کے مطابق تصدیق اور رجسٹریشن کے بعد نادرا ہر ایک خاندان کو ایک افغان سٹیزن کارڈ جاری کرے گی، جس میں ان کی تمام تفصیلات درج ہوں گی۔انہوں نے کہا کہ یہ کارڈ رجسٹریشن کے 40 دن کے بعد جاری کیا جائے گا۔افغان پناہ گزینوں کے کمشنریٹ کے قائم مقام کمشنر کا کہنا ہے کہ نیا کارڈ حاصل کرنے سے پہلے ہر خاندان کو ایم ایم آر اور کمشنریٹ کے ذریعے خود کو رجسٹرڈ کروانا ہوگا۔انہوں نے کہا کہ نئے کارڈ سے ان پناہ گزینوں کے پاکستان میں عارضی قیام کو قانونی حیثیت مل جائے گی۔انہوںنے کہا کہ یہ غیررجسٹرڈ افغان پناہ گزینوں کے لیے آخری موقع ہے، اگر انہوں نے خود کو رجسٹرڈ نہیں کروایا تو پھر ان غیرقانونی افغان باشندوں کے ساتھ ملکی قانون کے مطابق نمٹا جائےگا۔
پاکستان میں غیرقانونی طورپر مقیم افغانیوں کیلئے آخری موقع
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































