ساو تھ کیرولائنا(نیوزڈیسک)امریکہ, سیاہ فام افراد نے ایثار کی ایسی مثال قائم کردی کہ پوری دنیا حیران ہوگئی،امریکا کے شہر ساو تھ کیرولائنا کے گرجا گھر پر حملہ کرنے والے نوجوان کو مرنے والوں کے لواحقین نے معاف کردیا۔ حملہ کے نتیجے میں نو سیاہ فام افراد ہلاک ہوگئے تھے۔ تفصیلات کے مطابق امریکا کے گرجا گھر پر فائرنگ سے متعلق کیس کی سماعت ہوئی۔ سماعت کے دوران جج نے حملہ آور ڈلن روف کے اسلحہ رکھنے پر دس لاکھ ڈالر کا بانڈ مقرر کیا ہلاک ہونے والے نو افراد کے لواحقین نے حملہ آور کو معاف کر دیا تاہم ڈلن روف کو جیل میں ہی رکھا جائے گا۔امریکی صدر باراک اوباما نے بھی ہلاک شدگان کے لواحقین کی جانب سے حملہ آور کو معاف کیے جانے کا خیر مقدم کیا۔ انہوںنے کہاکہ یہ امریکی عوام کی اچھائی کی دلیل ہے۔ گزشتہ روز چارلسٹن کے سپورٹس ارینا میں ہلاک شدگان کے لیے دعائیہ تقریب بھی منعقد ہوئی جس میں بڑی تعداد میں افراد نے شرکت کی۔