لاہور(این این آئی) پیپلزپارٹی کے مرکزی رہنما اعتزاز احسن نے کہاہے کہ افغانستان سے انخلا میں امریکہ اور ٹرمپ کی کامیابی ہو گی، ٹرمپ نے ایسے وقت میں تسلیم کیا جہاں اس کیلئے مشکل تھا۔انہوں نے کہا کہ امریکہ نے امن عمل میں پاکستان کا کردارتسلیم کیا،ٹرمپ نے احمد آباد میں پاکستان کے کردار کی تعریف کی ہے۔ پیپلزپارٹی کے رہنما کاکہناتھا کہ شریف خاندان

پر اس وقت خاموشی چھائی ہے جب اشارہ ہوگا تب وہ بولیں گے ،شریف خاندان نے کبھی مزاحمت کی سیاست کی اور نہ کر سکے گا۔ انہوں نے کہا کہ میں پیپلزپارٹی میں ہی رہوں گا،آصف زرداری نے سندھ سے سینیٹ کی نشست کی آفر کی تھی، میں نے کہا کہ 10سال پنجاب سے رہا ہوں یہ ممکن نہیں۔ان کاکہناتھا کہ پاکستان کرونا سے محفوظ ہے تاہم حفاظتی اقدامات کرنا ضروری ہیں۔