لندن(نیوز ڈیسک) قومی اسمبلی میں قائد حزب اختلاف اور مسلم لیگ (ن)کے صدر شہباز شریف کے کہا ہے کہ معیشت کی تباہی کی قیمت قوم ادا کر رہی ہے، حکومتی فیصلے معیشت کے گلے کا پھندا بن گئے، صرف گالیاں دینے سے ملک نہیں چلتے۔ معیشت مر رہی ہے، عمران نیازی کی بے حسی عروج پر ہے۔ انہوں نے معاشی تباہی، مہنگائی اور بیروزگاری پر اظہار افسوس کرتے ہوئے کہا ہے کہ معیشت کی تباہی کی قیمت قوم اور ملک کو ادا کرنا پڑ رہی ہے۔ آنکھیں کھولنا ہوں گی، غریب کا نہ کھوکھا بچا، نہ دکان، نہ فیکٹری نہ صنعت

اور نہ ہی چھابڑی۔انہوں نے کہا کہ قوم نے دیکھ لیا کہ گالیاں دینے سے ملک، صنعت، کاروبار، روزگار اور گھر نہیں چلتے، معیشت بچانے کے لئے فیصلہ قوم کو کرنا ہے، قومی اتحاد کی ضرورت ہے۔ اس وقت تاریخ کا سب سے بڑا بجٹ خسارہ، تیز ترین قرض، کم ترین شرح ترقی معیشت کی تباہی کی علامتیں ہیں۔ مہنگائی 14فیصد اور پالیسی ریٹ 13.25فیصد کر دینا ہی ملک دشمنی ہے، حکومتی فیصلے معیشت کے گلے کا پھندا بن گئے ہیں، معیشت مررہی ہے اور عمران نیازی کی بے حسی عروج پہ ہے۔

موضوعات:شہباز شریف