لاہور( این این آئی)لاہور ہائیکورٹ نے چوہدری شوگر ملز اور منی لانڈرنگ کیس میں سابق وزیر اعظم محمد نواز شریف کے بھتیجے یوسف عباس کی ضمانت کی درخواست منطور کرتے ہوئے رہا کرنے کا حکم دیدیا۔جسٹس علی باقر نجفی کی سربراہی میں دو رکنی بنچ نے یوسف عباس کی درخواست ضمانت پر محفوظ فیصلہ سنا دیا۔

یوسف عباس کی جانب سے امجد پرویز ایڈووکیٹ اور نیب کی جانب سے سپیشل پراسکیوٹر سید فیصل رضا بخاری عدالت میں پیش ہوئے ۔فاضل بنچ نے دلائل سننے کے بعد یوسف عباس کی ضمانت کی درخواست منظور کرتے ہوئے ملزم یوسف عباس کو  10 ،10 ملین کے دو مچلکوں کے عوض رہا کرنے کا حکم دیدیا۔‎

موضوعات:یوسف عباس