اسلام آباد (مانیٹرنگ ڈیسک)حکومت کا چینی پر جی ایس ٹی 17فیصد سے کم کر کے 5فیصد کرنے کا فیصلہ ۔ تفصیلات کے مطابق چینی پر جی ایس ٹی کم کرنے سے قیمت میں 10روپے تک کمی آئے گی جبکہ حکومت کو اس مد میں 21ارب روپے کا نقصان ہو گا ، جلد ہی وزیراعظم اقدامات کو حتمی شکل دیں گے ۔ نجی ٹی وی رپورٹ کے مطابق تحریک انصا ف کی حکومت نے عوام پر مہنگائی کے بوجھ کو
کم کرنے کیلئے چینی پر جی ایس ٹی 17سے کم کر کے 5فیصد کرنے پر غور کر رہی ہے، جس سے چینی کی قیمت 81روپے سے گر کر 71.9روپے کر آجائے گی ۔ جنرل سیلز ٹیکس میں کمی کی وجہ سے قومی خزانے کو 21ارب روپے کا نقصان برداشت کرنا پڑے گا ۔ سرکاری ذرائع نے بتایا ہے کہ قیمتوں میں کمی کیلئے وزیراعظم آئندہ دو ، تین دنوں تک حتمی شکل دے دیں گے ۔جس کی وزیر منصوبہ بندی اور ترقیات اسد عمر نے بھی کی ہے ۔ دوسری جانب اسسٹنٹ کمشنر پتوکی آصف علی ڈوگر کا چینی کے گودام پر چھاپہ ۔300 چینی کی بوریاں برآمد گودام کو سیل کر دیا گیا ۔ ڈپٹی کمشنر قصور کی ہدایت پر چلائی گئی خصوصی مہم کے دوران اسسٹنٹ کمشنر پتوکی آصف علی ڈوگر نے چوک جھلار کے قریب شیخ خلیل سعید کے چینی کے گودام پر چھاپہ مار کر تین سو چینی کی بوریاں برآمد کر لی۔ اسسٹنٹ کمشنر پتوکی آصف علی ڈوگر نے کاروائی کرتے ہوئے چینی کے گودام کوسیل کر دیا۔اس موقع پر اسسٹنٹ کمشنر پتوکی آصف علی ڈوگر نے گفتگو کرتے ہوئے کہا کہ عوام کو سستے نرخوں پر چینی کی فراہمی کیلئے مختلف مقامات پر چھاپے مارے جارہے ہیں اور اسی مہم کے سلسلہ میں یہ کاروائی کی گئی ہے گودام سے برآمد ہونے والی چینی شہریوں کو 72روپے کلو فروخت کی جائے گی -
