اسلام آباد(نیوزڈیسک )جارجیا کی ایک عورت نے لمبے عرصے کے انتظار کے بعد ملنے والی طلاق کی خوشی کو بہت انوکھے انداز میں منایا ہے۔اس نے اپنے پک اپ ٹرک کو بڑے خوبصورت انداز میں سجا کر اس کے پیچھے لکھا جسٹ ڈائیورسڈ(Just Divorced) ۔ لیونا میٹکاف کا کہنا ہے کہ دس سال تک اس کا شوہر رہنے والا شخص پانچ سال پہلے اسے چھوڑ گیا مگر طلاق حتمی طور پر فائنل ہی نہیں ہو رہی تھی، جو آخر کار اس ہفتیہوگئی۔ لیونا نے نئے شادی شدہ جوڑوں کی طرح ،جو اپنی سجی ہوئی گاڑیوں پر جسٹ میریڈ(Just Married)لکھواتے ہیں، جسٹ ڈائیورسڈ لکھوایا ہے۔لیونا کا کہنا ہے کہ اب میں آزاد عورت ہوں۔ طلاق جو پانچ سال پہلے ہو جانی چاہیے تھی اب ہوئی ہے۔لیونا نے کہا کہ اتنے لمبیعرصے کے بعد ملنے والی طلاق پر میں نے سوچا کہ اسے نئے شادی شدہ جوڑوں کی طرح مناوئں۔