اسلام آباد(نیوز ڈیسک) پاکستان اور سری لنکا کے درمیان تین ٹیسٹ میچز پر مشتمل سیریز کے پہلے میچ میں میزبان ٹیم اپنی پہلی اننگز میں300 رنز بنا کر پویلین لوٹ گئی۔ سری لنکا کے گال انٹرنیشنل اسٹیڈیم میں کھیلے جارہے میچ میں میزبان ٹیم نے 178 رنز 3 کھلاڑیوں کے نقصان سے اپنی نامکمل اننگز کا آغازکیا تو کپتان انجیلو میتھیوز 189 کے مجموعے پر وہاب ریاض کی گیند پر کلین بولڈ ہوگئے جس کے بعد وقفے وقفے سے وکٹیں گرتی چلی گئیں۔ اوپننگ بلے باز کشال سلوا 125 رنزبناکرنمایاں بیٹسمین رہے جب کہ دنیش چندیمل 23، ویتھنگے 15، نوان پرادیپ 4 اور دھمیکا پراساد بغیر کوئی رنز بنائے ا?و¿ٹ ہوئے۔ پاکستان کی جانب سے وہاب ریاض اور ذوالفقار بابر نے 3،3 جب کہ محمد حفیظ اور یاسر شاہ نے 2،2 وکٹیں حاصل کیں۔اس سے قبل میچ کا پہلا روز بارش کی نذر رہا جس کے بعد دوسرے روز قومی ٹیم کے کپتان اظہر علی نے ٹاس جیت کر پہلے میزبان ٹیم کو کھیلنے کی دعوت دی تو کھیل کے دوسرے روز بیٹنگ کرتے ہوئے سری لنکا کے ڈیموتھ کرورارتنے 21، کمار سنگاکارا 50 اور لھیرو تھرمانے 8 رنز بناکر آو¿ٹ ہوگئے تھے۔