ووہان (ویب ڈیسک) چینی حکام اور یہاں کے ڈاکٹرز اور محققین اس پْراسرار کورونا وائرس کے خلاف جنگ جیت جائیں گے اور دنیا دیکھے گی۔ تفصیلات کے مطابق چین کے صوبے ہوبئی کے شہر ووہان کی ایک یونیورسٹی میں زیر تعلم پاکستانی طالب علم عبدالرحمن نے چین حکومت اور انتظامیہ کی وائرس کیخلاف انتھک کوششوں کو سراہا ہے اورکہا ہے کہ میں یقین کیساتھ کہہ سکتا ہوں کہ
چینی حکومت اس پراسرارت وائرس کیخلاف جنگ جیتنے میں کامیاب ہو جائیں گے اور دنیا ان کے جشن کو دیکھے گی ۔ عبد الرحمان کا کہنا تھا کہ اس وقت پوری دنیا چین اور پاکستان کی دوستی سے اچھی طرح واقف ہے ۔ دونوں ممالک ہر طرح کی مشکلات میں ایک دوسرے کیساتھ ڈٹ کر کھڑے رہے ۔ ووہان شہر نے میرے تعلیم کیلئے جو بہترین محفوظ ماحول فراہم کیا اس کا کوئی جواب نہیں ، ان کا کہنا تھا کہ کوئی اپنا شہر کو مشکل میں نہیں دیکھ سکتا ، آج ووہاں پر انتہائی مشکل وقت آن پڑا ، ہر جگہ ووہان کیلئے دعا گو ہے ، میں بھی چاہتا ہوں کہ اس مشکل گھڑی میں ایسا کچھ کروں جس سے ووہاں شہر کیلئے میرے دل میں موجود محبت دکھائی دے سکے ۔ عبد الرحمان نے کہا ہے کہ میں چین کی حکومت اور خاص کر ووہان کی حکومت کا دل کی اتھا ہ گہرائیوں شکریہ ادا کرتا ہوں کہ انھوں نے ہمیں محفوظ رکھنے کے لیے اپنا بہترین کردار ادا کیا اور اتنے مشکل وقت میں ہمیں ہر طرح کی سہولیات فراہم کیں۔میں یقین کیساتھ کہہ سکتا ہوں کہ چین اگر 10دن میں ایک ہزار بستر پر مشتمل ہسپتال بنا سکتا ہے تو وہ دن دور نہیں جب وہ اس وائرس کیخلاف کامیابی نہ سمیٹ لیں لیکن ان سب کیلئے تھوڑا بہت ٹائم لگے گا ۔ عبد الرحمان نے ووہاں شہر کو اپنا دوسرا گھر قرار دیا ہے ۔
