باجوڑ(آن لائن)افغانستان کی جانب سے فائر کیے گئے گولہ کے نتیجے میں 4بچوں سمیت 7افراد جاں بحق ہو گئے، گولہ لگنے سے گھر مکمل طورپر تباہ ہو گیا، پولیس اور مقامی لوگوں نے ملبے سے لاشیں نکال لیں۔ڈی ایس پی کے مطابق افغانستان کی جانب سے ایک گولہ باجوڑ کی تحصیل سلارزئی کے علاقے بنگڑو باٹوار کے علاقے میں ایک گھر پر آکر جس سے گھر مکمل تباہ ہو گیا ہے اور گھر کے اندر موجود چار بچوں
سمیت سات افراد لقمہ اجل بن گئے۔انہوں نے بتایا کہ یہ واقعہ بنگڑو باٹوار جو پاک افغان سرحد کے قریب واقع ہے، میں پیش آیا۔واقعہ کے بعد پولیس اور مقامی لوگ جائے وقوعہ پر پہنچ گئے اور امدادی کارروائیوں میں حصہ لیتے ہوئے لاشوں کو گھر کے ملبے سے باہر نکالا۔انہوں نے مزید بتایا کہ گولہ افغانستان کی حدود سے فائر کیا گیا اور سکیورٹی فورسز نے مزید تحقیقات شروع کردی ہیں۔